რუსეთის პრეზიდენტი ვლადიმერ პუტინი ჯო ბაიდენს აშშ-ს საპრეზიდენტო არჩევნებში გამარჯვებას ოფიციალური შედეგების გამოცხადების შემდეგ მიულოცავს. Meduza-ს ინფორმაციით, ამის შესახებ კრემლის პრესსპიკერმა, დიმიტრი პესკოვმა ჟურნალისტებს განუცხადა.

"ჩვენ კორექტულად მიგვაჩნია, რომ ჩატარებული არჩევნების შედეგების ოფიციალურ შეჯამებას დაველოდოთ", — თქვა პესკოვმა.

კითხვაზე, 2016 წელს რატომ მიულოცა პუტინმა დონალდ ტრამპს გამარჯვება ისე, რომ საბოლოო შედეგებს არ დალოდებია, კრემლის სპიკერმა უპასუხა:

"განსხვავება სავსებით ნათელია. თქვენ ხედავთ, რომ მოსალოდნელია გარკვეული იურიდიული პროცედურები, რომელიც მოქმედმა პრეზიდენტმა დააანონსა. ამით განსხვავდება სიტუაცია. ამიტომაც მიგვაჩნია კორექტულად, რომ მაინც ოფიციალურ განცხადებას დაველოდოთ".

7 ნოემბერს წინასწარი მონაცემების დაყრდნობით, რომელსაც რამდენიმე მსხვილი ამერიკული მედიასაშუალება აწარმოებს, აშშ-ს 46-ე პრეზიდენტი ჯო ბაიდენი იქნება. ჯერჯერობით ყველა შტატში ხმები დათვლილი ბოლომდე არაა.

მოქმედი პრეზიდენტი დონალდ ტრამპი დამარცხებას არ აღიარებს. ჯო ბაიდენმა არჩეული პრეზიდენტის რანგში ერს უკვე მიმართა. არაერთმა მსოფლიო ლიდერმა კი, მათ შორის გერმანიის კანცლერმა, კანადის პრემიერმა და საფრანგეთის პრეზიდენტმა, ბაიდენს გამარჯვება უკვე მიულოცა.

ამავე თემაზე: