იუსტიციის ყოფილი მინისტრისა და ქართული ოცნების წარმომადგენლის, თეა წულუკიანის თქმით, მას ჯერ სტატუსი არ აქვს, ამიტომ მისი გამოხატვის თავისუფლება უსაზღვროა. მისივე თქმით, ასეთი ტრადიცია არის თითქოს, რომ, თუ ხარ მინისტრ-ყოფილი ან რაღაც თანამდებობა გეკავა, არ უნდა იოპონენტო და არ უნდა ედებატო სხვას, რაც მას არ აქვს.

"ფეისბუქზეც ვწერ, ვოპონირებ და ა.შ. მით უმეტეს, რომ მე დღეს ვარ არავინ. შემიძლია ვიღაცებს მოვუწოდო რომ მომმართონ — ქალბატონო არავინ. დღეს ვიღაც მეძახდა ფეისბუქზე მინისტრს. არ ვარ ბატონო მინისტრი. მე ვარ არავინ. მე ვარ კანდიდატი. პარლამენტის წევრიც კი არ ვარ ჯერ. ამიტომ ჩემი გამოხატვის თავისუფლება არის ისეთივე უსაზღვრო, როგორიც ბატონი იაგოსი, მელიასი და სხვების. ამიტომაც მე ვამბობ: არა ბატონებო, ვერ შვებით ამ რევოლუციას. რევოლუცია ამ ქვეყანაში არ იქნება", — განაცხადა წულუკიანმა პირველ არხთან საუბარში.

თეა წულუკიანი ქართული ოცნების ხელისუფლების ყველაზე ხანგრძლივმოქმედი მინისტრი იყო. 2020 წლის საპარლამენტო არჩევნებზე მმართველმა პარტიამ ის, სიის მეოთხე ნომრად დაასახელა.