ერთიანი ნაციონალური მოძრაობის ერთ-ერთი ლიდერის, ნიკა მელიას თქმით, ის გახარიას 100%-იან გარანტიას აძლევს, რომ უკან დახევა არ იქნება. ამის შესახებ მელიამ TV პირველთან ინტერვიუში განაცხადა.

"100%-იან გარანტიას ვაძლევ გახარიას, რომ უკან დახევა არ იქნება იმიტომ, რომ სიმართლე არის ახლა ისტორიის სწორ მხარეს და ისტორიის სწორი მხარე არის იქ, სადაც ხალხია და არა იქ, სადაც ბატონი კობახიძეა და ბატონი ლაშა ნაცვლიშვილი, შალვა რამიშვილი და ბიძინა ივანიშვილი. ამათ რა უნდათ, რომ მოვლენ, სილას გააწნიან საზოგადოებას, რასაც უნდა იმას გააკეთებენ და მერე გამოვიდეს კობახიძე, მოდულთან ჩაატაროს ბრიფინგი და არანორმალური ბრალდება გაახმოვანოს", — განაცხადა მელიამ.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი კვირას, 8 ნოემბერს პარლამენტის შენობასთან, რუსთაველის გამზირზე. ისინი ხელახალი არჩევნების ჩატარებას მოითხოვენ.