2016 წელს საქართველოს საზოგადოებრივ მაუწყებელში 151 ადამიანი დასაქმდა, 148-ს კი შრომითი ურთიერთობა შეუწყდა. ამის შესახებ საჯარო ინფორმაცია On.ge-მ მაუწყებლისგან მიიღო.

საჯარო ინფორმაციის მიხედვით, წლის პირველ კვარტალში (იანვარი - მარტი) მაუწყებელმა 47 პირთან დაიწყო შრომითი ურთიერთობა, ყველაზე მეტთან (63) კი მესამე კვარტალში (ივლისი - სექტემბერი) შეწყვიტა. გათავისუფლებული თანამშრომლობის რიცხვში მოხვდნენ არხის ყოფილი გენერალური დირექტორი, გიორგი ბარათაშვილი და საზოგადოებრივ-პოლიტიკური ტოქშოუს წამყვანი, ეკა მიშველაძე.

თუ თვეებს შევადარებთ, ყველაზე მეტი ადამიანი (20) მაუწყებელში მარტში დასაქმდა, ყველაზე ცოტა - აპრილსა და დეკემბერში. წლის განმავლობაში მაუწყებელმა ყველაზე მეტ ადამიანთან (24) შრომითი ურთიერთობა ივლისში შეწყვიტა, ყველაზე ცოტასთან კი თებერვალსა და დეკემბერში (4).

საზოგადოებრივ მაუწყებელში დასაქმებული პირების რაოდენობა ბოლო 5 წლის განმავლობაში 1 005-დან 1 142-მდე მერყეობდა. 2016 წლის 31 დეკემბრის მონაცემებით საზოგადოებრივ მაუწყებელში 1 138 მუშაობდა. ყველაზე ცოტა 2013 წელს მუშაობდა, ყველაზე მეტი კი - 2014 წელს.

საზოგადოებრივ მაუწყებელში 2016 წელს მიღებული და გათავისუფლებული თანამშრომლები

ფოტო: On.ge