კახა კალაძსი თქმით, ქართული ოცნება არჩევნების მეორე ტურისთვის ემზადება და ქვეყანაში არჩევნები ჩვეულებრივად ჩატარდება.

"მეორე ტურისთვის ჩვენ ვემზადებით ჩვეულებრივად. გუშინ გვქონდა პირველი შეხვედრა ჩვენს შტაბებთან, ჩვენს პარტიულ წარმომადგენლებთან. მიდის სრული მზაობა მეორე ტურისთვის. ჩვეულებრივად მეორე ტური ჩატარდება", — განაცხადა კალაძემ.

21 ნოემბერს საქართველოში 2020 წლის არჩევნების მეორე ტური გაიმართება.

31 ოქტმბრის არჩევნების ცესკოს გამოცხადებულ შედეგებს ოპოზიცია არ აღიარებს. პარტიებმა საკანონმდებლო ორგანოში შესვლაზე უარი უკვე თქვეს.

პარლამენტის არჩევნები წელს პირველად პროპორციულთან მიახლოებული, 120/30-ზე სისტემით გაიმართა.