Euronews-ის ცნობით, Eurowings-ის თვითმფრინავი, რომელიც ომანიდან გერმანიის ქალაქ კოლონში მიფრინავდა, აფეთქების საფრთხის გამო, ქუვეითში ავარიულად დაეშვა. აღნიშნული თვითმფრინავი გერმანულ ავიაკომპანია ლუფთანზას შვილობილ კომპანიას ეკუთვნის.

ლუფთანზას პრეს-სპიკერის განცხადებით, შემოწმების შემდეგ Airbus A330-203-ის ბორტზე ბომბი არ აღმოჩნდა. ავიაკომპანიის განცხადებაში ნათქვამია, რომ პილოტმა ავარიული დაშვების გადაწყვეტილება უსაფრთხოების მიზნით მიიღო, თუმცა დამატებითი დეტალების შესახებ ცნობები არ ვრცელდება.

მას შემდეგ, რაც პოლოტმა დაშვების შესახებ განაცხადა, თვითმფრინავს ბორტზე მყოფი 287 მგზავრისა და ეკიპაჟის 10 წევრის ევაკუაცია განხორციელდა.