ვენაში ტერორისტულ თავდასხმაზე პასუხისმგებლობა ტერორისტულმა დაჯგუფებამ ისლამურმა სახელმწიფომ აიღო. ინფორმაციას ამის შესახებ Reuters ავრცელებს.

2 ნოემბერს ვენის ცენტრში, მათ შორის სინაგოგაზე თავდასხმისას 5 ადამიანი გარდაიცვალა, ხოლო 22 დაშავდა. ზუსტად რამდენი ტერორისტი მონაწილეობდა თავდასხმაში უცნობია. პოლიციის ინფორმაციით, სროლა ერთდროულად ექვს სხვადასხვა ადგილას ისმოდა. ერთ-ერთი თავდამსხმელი პოლიციამ მოკლა. ის 20 წლის პირი აღმოჩნდა, რომელიც ტერორიზმის ბრალდებით ციხეში იჯდა და ვადამდე ადრე გათავისუფლდა.

თავდამსხმელის მოკავშირეებს ამ დრომდე ეძებენ. ამ დროისთვის უკვე დაკავებულია 16 პირი ავსტრიაში და ერთი პირი შვეიცარიაში.