ცესკოს პირველადი მონაცემებით, რომლებიც უბნების ნახევარზე მეტს, 72,45%-ს აერთიანებს, შესაძლოა, თბილისის ყველა ოლქში მეორე ტური გაიმართოს. ამ ეტაპზე ხმების 50%-ზე მეტი არცერთ მაჟორიტარ კანდიდატს არ დაუგროვებია. შედეგები ასე გადანაწილდა:

მთაწმინდისა და კრწანისის ოლქი:

  • ბექა ოდიშარია — 47,7%;
  • შალვა შავგულიძე — 28,69%.

ვაკის ოლქი:

  • ნოდარ ტუძელაძე — 41,46%;
  • ელენე ხოშტარია — 36,37%.

საბურთალოს ოლქი:

  • დავით სერგეენკო — 44, 17%;
  • ალექსანდრე ელისაშვილი — 18.73%;
  • ბადრი ჯაფარიძე — 13,37%.

ისნის ოლქი:

  • კახა კახიშვილი — 47%;
  • ხატია დეკანოიძე — 25,45%;
  • გიორგი ვაშაძე — 12,92%.

სამგორის ოლქი:

  • სოზარ სუბარი — 46,61%;
  • ლევან ხაბეიშვილი 38,23%.

დიდუბისა და ჩუღურეთის ოლქი:

  • გიორგი ვოლსკი — 44,91%;
  • ანა დოლიძე — 19,74%;
  • ზურაბ ჯაფარიძე — 19,47%.

ნაძალადევის ოლქი:

  • მიხეილ ყაველაშვილი — 45,12%;
  • შალვა ნათელაშვილი — 25,17%.

გლდანის ოლქი:

  • ნიკა მელია — 43,08%;
  • ლევან კობიაშვილი — 43,1%.

ცესკოს პირველადმა შედეგებმა ოპოზიციის კრიტიკა და გაღიზიანება გამოიწვია. პოლიტიკური პარტიის ლიდერები აცხადებენ, რომ არჩევნების შედეგები რეალობას არ ასახავს. გვიან ღამით ისინი ცესკოს ოფისთან შეიკრიბნენ და გააპროტესტეს. ადგილზე მობილიზებული იყო პოლიცია.

ხვალ, 16:00 საათზე ოპოზიცია საპროტესტო აქციას გეგმავს, სადაც გაჟღერდება მათი გეგმებისა და მოთხოვნების შესახებ.

ცესკოს პირველადი შედეგები მიახლოებულია იმედის დაკვეთით ჩატარებული ეგზტიპოლის მონაცემებთან, რომლის მიხედვითაც, "ოცნებას" — 54%, ენმ-სა და ძალა ერთობაშიას კი 24% აქვს.

გაიგეთ მეტი ეგზიტპოლების შედეგებზე: