ერთიანი ნაციონალური მოძრაობის ლიდერის, ზაალ უდუმაშვილის განცხადებით, ოპოზიციასთან ხელისუფლების ფორმირებაზე კონსულტაციებს იწყებენ. მისივე თქმით, ქართული ოცნება არის უმცირესობაში და ოპოზიცია იმარჯვებს.

"პალალელურად ჩვენ ვიწყებთ აქტიურ კონსულტაციებს მთელ ოპოზიციურ სპექტრთან, მათ შორის მთავრობის ფორმირებაზე. იმ ხელისუფლების ფორმირებაზე, რომელმაც საბოლოოდ უნდა ჩამოაშოროს ბიძინა ივანიშვილი ხელისუფლებას", — განაცხადა უდუმაშვილმა.

მისივე თქმით, ხმის პროცესის დათვლის პარალელურად გაყალბებების მცდელობებიცაა. ამიტომ, მან ხმის დათვლის პროცესის დაცვის მნიშვნელობაზე ისაუბრა.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: