ქართული ოცნების პარტიული სიის მეოთხე ნომერი, თეა წულუკიანი მიმართავს საერთაშორისო დამკვირვებლებსა და ყველა საელჩოს და აცხადებს, რომ ყველამ "ერთად უნდა დავგმოთ" ოპოზიცის წევრების მხრიდან იარაღის ტარება და ამომრჩევლის ირიბად დაშინება.

"მე, ასევე, მინდა მივმართო, ჩვენი გუნდის სახელით, საერთაშორისო დამკვირვებლებსა და ყველა საელჩოს და ვუთხრა მათ, რომ ჩვენ ყველამ ერთად ვნახეთ, რადიკალური, დესტრუქციული ოპოზიცია, რომ ძალადობრივ მეთოდებს მიმართავს. მაშინ, როდესაც კანდიდატები, რომელთაგან ზოგიერთი, არის თავისი არჩევნების დამკვირვებელი, დაიარებიან უბნებზე იარაღით და ცდილობენ, ამით დააშინონ ამომრჩეველი, ეს არის მიუღებელი და ეს ყველამ ერთად უნდა დავგმოთ. ამიტომაც კიდევ ერთხელ ამ ფაქტებზე ყურადღებას მივაპყრობთ ნამდვილი, ანუ საერთაშორისო დამკვირვებლების, ადგილობრივი, ნამდვილი დამკვირვებელებისა და ჩვენი საერთაშორისო პარტნიორებისა", — განაცხადა წულუკიანმა.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: