ქართული ოცნების წარმომადგენელი, გიორგი კახიანი აცხადებს, რომ მარნეულში საარჩევნო უბნებში შექმნილი დაძაბულობა ხელოვნურია. მისი თქმით, იქ მმართველ პარტიას დიდი მხარდაჭერა აქვს, შესაბამისად, ოპოზიციამ აღნიშნული უბანი "პროვოკაციებისთვის შეარჩია".

"მოვიდა ინფორმაცია, რომ გარკვეული დაძაბულობა არის უბანზე. მოვედი, რომ გავრკვეულიყავი, რა ხდება და ნათელია ჩემთვის, რაც ხდება. რასაც ჩვენ აქამდე ვამჩნევდით, იქმნება ხელოვნური მცდელობები, რომ დაიძაბოს სიტუაცია. ყოველ შემთხვევაში, ასეთი სურათი წარმოჩინდა საზოგადოების წინაშე, რომ ამ პროცესს ჩრიდილი მიაყენოს. სინამდვილეში, ეს არის ხელოვნურად შექმნილი კონფლიქტი. ხელოვნურად ხდება სიტუაციის დაძაბვა, რადიკალური ოპოზიციის წარმომადგნელებისა და მათთან დაკავშირებული სადამკვირვებლო ორგანიზაციების წარმომადგენლების მხრიდან. ეს არის უბანი, სადაც, ძალიან დიდი ალბათობთ, ჩვენს წარმოამდგენლებს აქვთ ძალიან დიდი მხარდაჭერა და როგორც ჩანს, ამ გათვლებითაც შეარჩიეს ეს უბანი პროვოკაციებისთვის. მაგრამ არჩევნები აუცილებლად ჩატარდება, გაგრძელდება ჩვეულებრივ რეჟიმში და ყველა მოქალაქე მიიღებს მონაწილეობას", — განაცხადა მან.

დღეს, ყიზილაჯლოში ერთ-ერთ საარჩევნო უბანზე ხმაური იყო და იქ ხმის მიცემის პროცედურა შეწყდა. როგორც ვიდეო კადრებში ჩანს, #89 საარჩევნო უბანზე ფიზიკური დაპირისპირება მოხდა და მობილიზებულია პოლიციაც.

ადგილზე მყოფი დამკვირვებლების თქმით, ყველა ოპოზიციური წარმომადგენლის დამკვირვებელი უბნიდან გააძევეს. ნაციონალური მოძრაობის წარმომადგენლები კი უბნის დახურვას ითხოვდნენ, რადგან მათი განცხადებით, იქ არჩევნების გაყალბების შემთხვევები ფიქსირდებოდა.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: