ნაციონალური მოძრაობის ისნის მაჟორიტარობის კანდიდატმა, ხატია დეკანოიძემ საკუთარი არჩევანი უკვე დააფიქსირა. ამ ოლქში სტრატეგია აღმაშენებლის ლიდერის, გიორგი ვაშაძის კონკურენტმა განაცხადა, რომ ქართული ოცნების მმართველობას "ვერაფერი ვეღარ უშველის" და იგი დღეს საღამოს ხმების დათვლის შემდეგ დასრულდება.

"როგორც ხედავთ რიგებია ადამიანების დილიდან. ვერაფერი ვერ უშველის ბიძინა ივანიშვილს, დასრულებულია ქართული ოცნება, მათი მმართველობა, მე დარწმუნებული ვარ ერთად ვიზეიმებთ გამარჯვებას დღეს საღამოს. ჩემი პროგნოზია გამარჯვება, ჩვენი, ჩემი ბლოკისა და ოპოზიციის გამარჯვება. პროცენტებზე არ მინდა წინასწარ ვისაუბრო, მაგრამ ივანიშვილის მმართველი გუნდი, ოლიგარქიული ვერტიკალი ნამდვილად შორს არის 60 პროცენტისგან", — აღნიშნა დეკანოიძემ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: