Fox-მა სერიალ გაქცევის ახალი სეზონის პრემიერის თარიღი ამცნო შოუს ერთგულ მაყურებელს.

გაქცევა ეთერში 4 აპრილს დაბრუნდება და მეხუთე სეზონში 10 სერია იქნება.

ვენტვორტ მილერის გარდა სერიალში სხვა ძველ მსახიობებსაც ვიხილავთ: დომინიკ პარსელს, სარა უიენ კოლინსს, რობერტ კნეპერს, პოლ ედელსტეინსა და როკმონდ დუნბარს.

გაქცევის პირველი სეზონი ეთერში 2005 წელს გავიდა და 2009 წლამდე გაგრძელდა. სერიალი ორი ძმის ამბავს გვიყვება. ლინკოლნ ბეროუზი სიკვდილმისჯილია მკვლელობისთვის, რომელიც მას არ ჩაუდენია, ხოლო მისი ძმა, მაიკლ სკოფილდი, საინტერესო გეგმით ცდილობს ერთ-ერთი ყველაზე მკაცრი ციხიდან მის გაყვანას.