Youtube მუსიკალური კლიპების, სახალისო ინსტრუქციებისა და, როგორც ამბობენ ხოლმე, "კატების ვიდეოების" უზარმაზარი პლატფორმაა. როგორც იცით, ამ ვებგვერდის მომხმარებლებს საშუალება აქვთ, მოიწონონ, ან პირიქით, დაიწუნონ განთავსებული კონტენტი.

ნახვების რაოდენობა ერთია და მომხმარებლების სიყვარული - მეორე, ამიტომ ამჯერად არა ყველაზე პოპულარული, არამედ ყველაზე მეტად მოწონებული ვიდეოების ათეულს გთავაზობთ.

#10 Taylor swift - Shake it off

Shake it off ამერიკელი მომღერლის, ტეილორ სვიფტის მე-5 ალბომის მთავარი ჰიტია. სიმღერა გამოსვლის დღიდან ერთი კვირის მანძილზე იკავებდა Billboard Hot 100-ის რეიტინგში პირველ ადგილს.

#9 katy perry - Roar

თითქოს მილიარდზე მეტი ნახვა არ იყოს საკმარისი, ROAR მოწინავე ადგილებს არ თმობს ავსტრალიის, კანადის, ირლანდიის, ახალი ზელანდიისა და აშშ-ს ტოპ ჩარტებში. ის ასევე მოხვდა საფრანგეთის, გერმანიის, იტალიის, იაპონიისა და შვეიცარიის ტოპ 5 საერთაშორისო ჩარტებში.

#8 Maroon 5 - Sugar

ამერიკული პოპ-როკ ბენდის ეს ჰიტი 20 კვირის მანძილზე ინარჩუნებდა ტოპ-ათეულში ადგილს.

#7 Major lazer & DJ shake - Lean on

LEAN ON-ს 6 მილიონზე მეტი მოწონება და 2 მილიარდამდე ნახვა აქვს.

#6 Taylor swift - Blank space

ამ სიმღერის პირველი სატელევიზიო პერფორმანსი 2014 American Music Awards-ის დაჯილდოების ცერემონიალზე შედგა.

#5 Justin bieber - Sorry

სიმღერა 7 კვირის განმავლობაში არ თმობდა პირველ ადგილს Canadian Hot 100-ის სიაში და 3 კვირა პირველ ადგილზე იყო US Billboard Hot 100-ში.

#4 Mark ronson FT. Bruno mars - Uptown funk

UPTOWN FUNK არის სიმღერა, რომელზეც არტისტი 4 თვის განმავლობაში მუშაობდა.
როგორც ჩანს, მუშაობამ გაამართლა და ჰიტი ჩვენი სიის საპატიო მე-4 ადგილს იკავებს 8 მილიონამდე მოწონებით.

#3 Adele - Hello

ბრიტანელი მომღერლის, ადელის სიმღერა HELLO უამრავი პაროდიისა თუ სკეჩის ინსპირაცია გამხდარა. ვიდეოს 2 მილიარდამდე ნახვა აქვს იუთუბიზე.

#2 Psy - Gangnam style

ალბათ, ამ სიმღერის წარმატების საიდუმლო მის არანორმალურად გადამდებ მუხტშია.

#1 Wiz khalifa FT. Chivlie puth - See you again

პირველი ადგილი სიმღერას SEE YOU AGAIN ერგო, რომელსაც 2 მილიარდზე მეტი ნახვა და 13 მილიონამდე მოწონება აქვს, რაც რეკორდული შედეგია.