დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის თქმით, თითოეულმა მოქალაქემ, აუცილებელია, იცოდეს ვინაა მისი ოჯახის ექიმი, რათა, საჭიროების შემთხვევაში, მას მიმართოს. ამის შესახებ გამყრელიძემ საკოორდინაციო საბჭოს დასრულების შემდეგ გამართულ ბრიფინგზე ისაუბრა.

"თითოეულმა ადამიანმა დღეს უნდა იცოდეს თავისი ოჯახის ექიმი ვინ არის და მისი ტელეფონი. გარდა იმისა, რომ ურეკავს 112-ს და 112 ამისამართებს ოჯახის ექიმთან, ვინც იცის და უნდა იცოდეს თავისი ოჯახის ექიმი, რომ სწრაფად, როდესაც ეწყება სიმპტომები, არ არის საჭირო, რომ ვეძებოთ სად ჩავიტაროთ ტესტი, სად წავიდეთ, დავურეკოთ ოჯახის ექიმს და ვიმოქმედოთ მისი დარიგების მიხედვით", — განაცხადა გამყრელიძემ.

საქართველოში კორონავირუსის 1 759 ახალი შემთხვევა გამოვლინდა. ამასთან 350 ადამიანი გამოჯანმრთელდა, ხოლო 5 გარდაიცვალა.

პანდემიის დაწყების დღიდან ქვეყანაში კორონავირუსის 24 562 შემთხვევა დაფიქსირდა. კარანტინის რეჟიმშია 4 408 ადამინია, სტაციონარში მეთვალყურეობის ქვეშ — 3155, კოვიდ სასტუმროში იმყოფება 848 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: