ევროპული საქართველოს ერთ-ერთი ლიდერი, ტყიბულის, თერჯოლის, ზესტაფონისა და ბაღდათის მაჟორიტარობის კანდიდატი, გიგი წერეთელი ეხმიანება განცხადებას ტელეკომპანია პირველის მფლობელზე მუქარის შესახებ.

წერეთლის თქმით, დიდი ხანია მიდის მედიამფლობელებზე ზეწოლა და ეს პროცესი უკვე პირდაპირ მუქარაზე გადავიდა. მან აღნიშნა, რომ ეს ფაქტი სასწრაფოდ უნდა იყოს გამოძიებული და არავის აღარ უნდა მოუნდეს ამგვარი საქციელის განმეორება.

"აბსოლიტურად მიუღებელია მთელი ის ეპოპეა, რაც თან სდევს ტელეკომპანია პირველის მფლობელებზე ზეწოლას, დაშინებას. უკვე კარგა ხანია ეს პროცესი მიდის და ახლა უკვე გადავდნენ პირდაპირ მუქარაზე.

მე ვფიქრობ, რომ ეს ძალიან დიდ ჩრდილს აყენებს მთელ საარჩევნო პროცესს და ასევე ბუნებრივია, იმ ვითარებას, რაც არის დღეს საქართველოში. აბსოლიტურად მიუღებელია როდესაც მედიის მფლობელებზე ამგვარი ზეწოლაა. ეს ფაქტი უნდა იყოს გამოძიებული. არავის აღარ უნდა მოუნდეს ამგვარი საქციელის განმეორება. ეს არის დღეს მთავარი ამოცანა", — განაცხადა წერეთელმა.