საქართველოს პრეზიენტის, სალომე ზურაბიშვილის თქმით, სჯერა, ქუთაისის საერთაშორისო უნივერსიტეტი იქნება ადგილი, სადაც აზერბაიჯანელი და სომეხი სტუდენტები ერთად ისწავლიან. მისი თქმით, ეს ორ ერს შორის შერიგების საწინდარი იქნება.

ქუთაისის საერთაშორისო უნივერსიტეტის გახსნის ცერემონიაზე, ზურაბიშვილმა, ასევე, განაცხადა, რომ ახალაშენებული აფხაზეთისა და ცხინვალის ახალგარზრდებისთვის უნივერსიტეტი საქართველოს გაწვდილი ხელია.

მუხნარის ტყის მიმდებარე ტერიტორიაზე, ქუთაისის საერთაშორისო უნივერსიტეტი დღეს, 21 ოქტომბერს, არჩევნებამდე 10 დღით ადრე გაიხსნა.

უნივერსიტეტის პროექტის პრეზენტაცია 2016 წლის 8 ოქტომბრის არჩევნებამდე 27 დღით ადრე გაიმართა. ღონისძიებას მთავრობის ხელმძღვანელი პირების გარდა, ქვეყნის ყოფილი პრემიერმინისტრი ბიძინა ივანიშვილიც დაესწრო. მაშინ განაცხადეს, რომ სასწავლო დაწესებულებას სტუდენტთა პირველი ნაკადი 2019 წელს უნდა მიეღო.

60 000 სტუდენტზე გათვლილმა საგანმანათლებლო დაწესებულებამ სწავლების პირველ წელს 246 სტუდენტი მიიღო. უნივერსიტეტის რექტორის, ალექსანდრე თევზაძის განცხადებით, უნივერსიტეტმა ერთიან ეროვნულ გამოცდებზე 1000 ვაკანტური ადგილი გამოაცხადა და სტუდენტთა თითქმის 80%-მა სახელმწიფო დაფინანსება მოიპოვა.

ქუთაისის საერთაშორისო უნივერსიტეტის საზეიმო გახსნას პრეზიდენტი, სალომე ზურაბიშვილი, პრემიერმინისტრი, გიორგი გახარია, პარლამენტის თავმჯდომარე, არჩილ თალაკვაძე, განათლების მინისტრი, მიხეილ ჩხენკელი და KIU-ს საპატიო პრეზიდენტი, პროფესორი ვოლფგანგ ჰერმანი დაესწრო.

უნივერსიტეტი ბიძინა ივანიშვილის საქველმოქმედო ფონდ "ქართუს" დაფინანსებით აშენდა.

ამავე თემაზე: