თბილისის საერთაშორისო აეროპორტიდან 7 იანვარს სტამბულის მიმართულებით, ათათურქის აეროპორტში დაგეგმილი 4 ფრენა გაუქმდა. ამის შესახებ On.ge-ს თბილისის საერთაშორისო აეროპორტში განუცხადეს.

პრესსამსახურის ინფორმაციით, აეროპორტში დაგეგმილი სხვა ფრენების განრიგი არ შეცვლილა.

სტამბულის მიმართულებით დაგეგმილი რეისების გაუქმების მიზეზი ქარბუქია, რის გამოც თვითმფრინავები ვერ ახერხებენ ფრენების განხორციელებას.