შეერთებულმა შტატებმა ამოიცნო ჰაკერები, რომლებიც აშშ-ის საპრეზიდენტო არჩევნების წინ, სავარაუდოდ, კიბერ თავდასხმაში მონაწილეობდნენ. ინფორმაციას ამის შესახებ BBC ავრცელებს.

აგენტებს, რომელთა სახელები ჯერჯერობით ცნობილი არაა, ბრალად ედებათ დემოკრატიული პარტიის მოპარული იმეილების ვიკილიქსისთვის (WikiLeaks) გადაცემა და ამით ტრამპისთვის ხმების მობილიზება.

რუსეთი ყოველგვარ ბრალდებებს უარყოფს. ვიკილიქსის დამფუძნებელი კი ამბობს, რომ წყარო მოსკოვი არ ყოფილა.

ბრალდებებს არ აღიარებს არც შტატების არჩეული პრეზიდენტი. ტრამპს სადაზვერვო სამსახურების არ სჯერა.

ვიცე-პრეზიდენტის, ჯო ბაიდენის თქმით, მას წაკითხული აქვს ამერიკის სადაზვერვო სააგენტოების ანგარიში, რომელიც კიბერ თავდასხმაში რუსეთის მონაწილეობას უსვამს ხაზს. ანგარიშის დეტალები შემდეგ კვირაში გახდება ცნობილი.