ევროპული საქართველოს საარჩევნო შტაბის ხელმძღავენლი, სერგი კაპანაძე, ქვეყანაში გაუარესებულ ეპიდსიტუაციასა და მთავრობის პოლიტიკას აფასებს. კაპანაძის თქმით, მაშინ, როდესაც ქვეყანაში არაფერი იყო დრამატული, ხელისუფლებამ ჩაკეტა ეკონომიკა და მოუსპო ადამიანებს ლუკმა-პურის შოვნის საშუალება.

კაპანაძემ აღნიშნა, რომ სინამდვილეში მთავრობამ ქულები დაიწერა, ხოლო ახლა ისინი იმედოვნებენ, რომ არჩევნებამდე მათ არაფერი არ აუფეთქდებათ.

"ივანიშვილის მთავრობამ და გახარიამ პირადად მთლიანად ჩააფლავა რეაქცია კორონაზე, როდესაც არ იყო არაფერი დრამატული, როდესაც მცირე იყო დაავადებათა რაოდენობა, ყველა ტყვია გაისროლა და ჩაკეტა ეკონომიკა და პრაქტიკულად, ადამიანებს მოუსპო ლუკმა-პურის საშოვარი.

მაშინ დაიწერეს ქულები, აი, რა მაგარი კრიზის მენეჯერები არიან და როგორ დაამარცხეს კორონა, ოღონდ აღმოჩნდა, რომ არაფერი არ დაუმარცხებიათ, არსენალში, უბრალოდ, ტყვიები აღარ დარჩათ და ეხლა ერთადერთი გამოსავალი აქვთ, რომ იმედი ჰქონდეთ, რომ არჩევნებამდე მიაღწევენ ისე, რომ არაფერი არ აუფეთქდებათ.

ახლა, ერთიმხრივ, იმედოვნებენ, რომ ხალხი არ მივა არჩევნებზე და მეორემხრივ, უნდათ, რომ რაღაც ეტაპზე ჩაგვკეტონ კიდევ ერთხელ, რადგან უბრალოდ მათ სხვა არაფერი გამოსავალი არ აქვთ. ეს არის აბსოლიტურად ჩაფლავებული კრიზისმენეჯმენტი, ეს არის ყველაზე ცუდი რეაქცია, რაც შეიძლება მთავრობას როდესმე მოეგონებინა და კარგად უნდა გვესმოდეს ჩვენ, რომ ამ სიტუაციაში გამოსავალი რეალურად აღარ არის, ამ მთავრობას ამ პრობლემების გადაჭრა უბრალოდ აღარ შეუძლია, ერთადერთი გამოსავალი არის მათი დამარცხება, გაშვება ოპოზიციაში და მერე ამ ქვეყნისთვის მიხედვა, სხვა გამოსავალი ივანიშვილის და გახარიას ხელში უბრალოდ აღარ რჩება", — განაცხადა კაპანაძემ.