საქართველოს პარლამენტის ეროვნულ ბიბლიოთეკასა და დაავადებათა კონტროლისა და საზოგადოებრივი ჯანმრთელობის ეროვნულ ცენტრს შორის დადებული მემორანდუმის ფარგლებში მხარეები აქტიურად თანამშრომლობენ საზოგადოებრივი ჯანდაცვის საკითხებზე საზოგადოების ცნობიერების ამაღლების მიმართულებით. ამ თემას მიეძღვნა არაერთი ღონისძიება და შეხვედრა საქართველოს სხვადასხვა რეგიონში. თანამშრომლობის ფარგლებში ეროვნული ბიბლიოთეკის დირექტორმა, გიორგი კეკელიძემ, შექმნა ხელების დაბანის მსოფლიო დღეს, 15 ოქტომბერს, საკითხავი ზღაპარი თომა და დიდი საიდუმლო. ზღაპარი COVID-19-ის პანდემიას ეხმიანება და ხელების დაბანის წესებსა და მის აუცილებლობას აცნობს მკითხველს.

ზღაპრის ილუსტრაციები ეკუთვნის თბილისის 52-ე საჯარო სკოლის მოსწავლეს, გიორგი ლოლაძეს.