სომხეთის პრემიერმინისტრის აპარატის ხელმძღვანელი, ედუარდ აღაჯანიანი სომეხ მოსახლეობას მოუწოდეს ანტიქართულ პროვოკაციას არ აყვნენ.

აღაჯანიანის თქმით, ის საუბრობს ფეიქ ფეისბუქგვერდებზე, რომლებიც საქართველოს აზერბაიჯანის მხარედ წარმოჩენას ცდილობენ.

"მსურს განვაცხადო, რომ სომხეთისა და საქართველოს სამთავრობო სტრუქტურები ეფექტურად თანამშრომლობენ პრობლემების მოგვარებაში. ასევე, მინდა გაცნობოთ, რომ ბევრი მათგანი ორმხრივი ძალისხმევით უკვე გადაწყდა", — წერს აღაჯანიანი საკუთარ ფეისბუქგვერდზე.

მისივე თქმით, სომეხი და ქართველი ერების მეგობრობა ეჭვს არ იწვევს, რადგან იგი საერთო ღირებულებათა სისტემას ეფუძნება.