ნაციონალური მოძრაობის ერთ-ერთი ლიდერის, ზაალ უდუმაშვილის თქმით, პარტიისთვის ნუმერაციას მნიშვნელობა არ აქვს და მათი მთავარი მიზანი გამარჯვებაა. ამის შსახებ უდუმაშვილმა TV პირველის ეთერში ისაუბრა.

"ეს არის ერთიანი საარჩევნო სია, რომელშიც ხუთი ბლოკი ერთიანდება, არ არის ნაციონალური მოძრაობის სია. სიის დაკომპლექტება სწორედ ამ პრინციპით მოხდა, რომ პარტნიორი ბლოკების წარმომადგენლები აუცილებლად უნდა ყოფილიყვნენ სიაში. რაც შეეხება იმას, რომ ზოგი მებრძოლი წინა ხაზზე იყო და სიაში წინა ხაზზე არ არის, ჩვენ არ ვუყურებთ ამ სიას, რომ 30 იყოს გამსვლელი, ან 20 იყოს გამსვლელი, ჩვენ ამ არჩევნებზე გამარჯვებისთვის ვიბრძვით", — განაცხადა უდუმაშვილმა.

მისივე თქმით, პარტიაში არ მიაჩნიათ, რომ ვინმე ნუმერაციის გამო დაიჩაგრა, რადგან ნაციონალური მოძრაობა არაა პარტია, რომელიც მეორე ან მესამე ადგილისთვის იბრძვის.