სომხეთის თავდაცვის სამინისტროს პრესსპიკერის, არცრუნ ჰოვასიანის განცხადებით, აზერბაიჯანმა არაქსის ხეობასა და მათაგის-თალიშის ტერიტორიაზე ახალი ფართომასშტაბიანი შეტევა დაიწყო. მისივე განცხადებით, არცახის თავდაცვის ძალებმა ყველა შეტევა წარმატებით მოიგერიეს.

"ამ დროისათვის, განადგურებულია 22 ტანკი და 10 ერთეული ჯავშანტექნიკა. მოკლულია 370-ზე მეტი ჯარისკაცი. ასევე, დიდია დაჭრილთა რაოდენობაც. არსებული ინფორმაციის თანახმად, დაჭრილ სამხედროთა რაოდენობა 35-ია", — წერს ჰოვასიანი ფეისბუქში.

27 სექტემბერს მთიან ყარაბაღში სამხედრო დაპირისპირება განახლდა. სომხეთი და აზერბაიჯანი პროვოცირებაში ისევ ერთმანეთს ადანაშაულებენ, თვითაღიარებული ყარაბაღი კი მომხდარზე პასუხისმგებლობას აზერბაიჯანის პრეზიდენტს ილჰამ ალიევს აკისრებს.

გაიგეთ მეტი: