რუსეთის პრეზიდენტმა, ვლადიმერ პუტინმა ყირგიზეთის პრეზიდენტ სოორონბაი ჟეენბეკოვთან შეხვედრაზე განაცხადა, რომ რუსეთის ფედერაცია მეზობლების და, ზოგადად, სხვა ქვეყნების შიდა საქმეებში არ ერევა. კრემლის პრესსამსახურის მიერ გავრცელებული ინფორმაციით, პუტინმა, ასევე, თქვა, რომ ყოველთვის მხარს დაუჭერენ მოქმედი ხელისუფლების მცდელობას, დაასტაბილუროს სიტუაცია. ამ შემთხვევაში მან ყირგიზეთში შიდაპოლიტიკური სტაბილიზაცია იგულისხმა.

ყირგიზეთის პრეზიდენტმა შეხვედრაზე აღნიშნა, რომ ქვეყანაში საპარლამენტო არჩევნების წინ სხვადასხვა ძალები გააქტიურდნენ, რომლებიც სტაბილურობას ეწინააღმდეგებიან და რესპუბლიკის სუვერენიტეტს საფრთხეს უქმნიან.

საპარლამენტო არჩევნები ყირგიზეთში 4 ოქტომბერსაა დანიშნული.