ნაციონალური მოძრაობის ლიდერი, გრიგოლ ვაშაძე აცხადებს, რომ საქართველოს ნამდვილად სჭირდება კოალიციური მთავრობა, თუმცა ყველა კოალიციაში არსებობს წამყვანი ძალა. ამის შესახებ მან ფორმულას ეთერში ისაუბრა.

"ერთიანი ნაციონალური მოძრაობა იბრძვის და ეს გასაგებია რატომ. ამის შემდეგ რომ იქნება ფართოსაზოგადოებრივი ინტერესების ამსახველი მთავრობა, შეუძლებელია ამის განხორციელება, თუ არ არის ეს მთავრობა კოალიციური. საქართველოს ნამდვილად სჭირდება კოალიციური მთავრობა, მაგრამ ყველა კოალიციაში არის მთავარი ძალა და არიან მოკავშირეები, რომლებიც ამ ძალას უერთდებიან", — აღნიშნა ვაშაძემ.

20 სექტემბერს, მიხეილ სააკაშვილმა TV პირველის ეთერში განაცხადა, რომ ის მხოლოდ საზოგადოების კოალიციას ხედავს და არ ხედავს პარტიულ კოალიციას. მისი თქმით "პოლიტიკური პარტიების და პარტიუკების" საერთოდ არ სჯერა. სააკაშვილმა, ასევე, აღნიშნა, რომ 2020 წლის საპარლამენტო არჩევნებზე უმრავლესობას ან ნაციონალური მოძრაობა აიღებს ან საქართველო "დაიღუპება". ამასთან, ჟურნალისტის კითხვას: "აქვს თუ არა ამომრჩეველს მხოლოდ ორი არჩევანი, თქვენ ან ბიძინა ივანიშვილი?" ყოფილმა პრეზიდენტმა უპასუხა, რომ ასეა და ეს ყველამ კარგად იცის.

თუმცა სააკაშვილმა ეს მიდგომაც შეცვალა და შემდეგ ამტკიცებდა, რომ ის და მისი პარტია "ინკლუზიური" მთავრობის მომხრე არიან. ეს განცხადება მან მას შემდეგ გაავრცელა, რაც ოპოზიციამ გააკრიტიკა იმის გამო, რომ "კოალიციური" მთავრობა არ სურდა.

ამავე თემაზე: