დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის თქმით, ის არ დაუშვებს, რომ კორონავირუსის სტატისტიკური მონაცემები ვინმემ გააყალბოს. ასე უპასუხა მან ჟურნალისტის კითხვას — იყო თუ არა მონაცემები ხელოვნურად გაზრდილი?

"მატყობთ რამეში რომ მე ვმანიპულირებ? სტატისტიკას იძლევა დაავადებათა კონტროლის ცენტრი, მისი ხელმძღვანელია თქვენი მონა-მორჩილი. თქვენს მონა-მორჩილს თავისი ცხოვრების განმავლობაში არასოდეს არ დაუშვია და სიყალბესთან საქმე არ მქონია. ასე რომ მშვიდად იყავით ყველა", — განაცხადა გამყრელიძემ.

22 სექტემბრის მონაცემებით, საქართველოში კორონავირუსის 218 ახალი შემთხვევა დადასტურდა, გამოჯანმრთელდა — 40. ქვეყანაში სულ 3 913 შემთხვევაა გამოვლენილი, საიდანაც 1 574 უკვე გამოჯანმრთელდა, 22 კი გარდაიცვალა.

კარანტინში არის 4 988 პირი, ხოლო სტაციონარში მეთვალყურეობის ქვეშ — 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: