ამერიკის პრეზიდენტ დონალდ ტრამპისთვის თეთრ სახლში მომწამლავი ნივთიერების გაგზავნის საქმეზე ერთი პირი დააკავეს. ინფორმაციას CNN ავრცელებს.

მედიის ცნობით, ეჭვმიტანილი ქალი კანადიდან ამერიკაში გადმოვლის დროს, საზღვარზე დააკავეს. მას თან ცეცხლსასროლი იარაღი ჰქონდა. სავარაუდოდ, ბრალს მას ვაშინგტონის პროკურატურა წაუყენებს.

CNN-მა რამდენიმე დღის წინ გაავრცელა ინფორმაცია, რომ ტრამპისთვის ფოსტით გაგზავნილ კონვერტში მომწამლავი ნივთიერება რიცინი აღმოაჩინეს. უცხოური მედიის ცნობით, საწამლავის იდენტიფიცირება ფოსტის სავალდებულო შემოწმების დროს მოხდა, შესაბამისად, მას თეთრ სახლამდე არ მიუღწევია.