დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ბათუმის მრავალპროფილიან სამშობიარო სახლს კორონავირუსით ინფიცირებული ორი ორსული დაემატა. ამის შესახებ On.ge-ს კლინიკის ექიმი, ნუგზარ პაპავა ესაუბრა.

მისი თქმით, ამჟამად კლინიკაში სულ 20 ფეხმძიმეა. მათი მდგომარეობა სტაბილურია და რაიმე ტიპის ჩარევას რა საჭიროებენ.

საქართველოში დადასტურებული 196 ახალი შემთხვევიდან, 128 აჭარაში გამოვლინდა.

აჭარის ჯანდაცვის სამინისტროს ცნობით კი, გასული 24 საათის განმავლობაში აჭარაში 4 000-მდე PCR ტესტი ჩატარდა. დღეს არსებული მონაცემებით სამედიცინო დაწესებულებებში მკურნალობის კურსს გადის 519 პაციენტი, კარანტინებში მეთვალყურეობაზე იმყოფება 377 პაციენტი. ამასთან, საკარანტინო სივრცე დატოვა 34-მა პაციენტმა. სტაციონარი კი ორმა გამოჯანმრთელებულმა.

20 სექტემბრის მონაცემებით, ქვეყანაში სულ კორონავირუსის 3 502 შემთხვევაა გამოვლენილი, საიდანაც 1 494 უკვე გამოჯანმრთელდა, 19 კი გარდაიცვალა.

კარანტინში არის 5 014 პირი, ხოლო სტაციონარში მეთვალყურეობის ქვეშ — 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: