შს სამინისტროს ინფორმაციით, ბათუმში, 6 მაისის პარკის მიმდებარე ტერიტორიაზე მომხდარ მკვლელობაში ბრალდებული დაკავებულია.

სამინისტროს ინფორმაციით, აჭარის პოლიციის დეპარტამენტის თანამშრომლებმა ბათუმში 1980 წელს დაბადებული არჩილ ფ. დააკავეს.

დაკავებულს ბრალად ედება განზრახ მკვლელობა და იარაღის მართლსაწინააღმდეგო შეძენა-შენახვა-ტარება.

გამოძიება საქართველოს სისხლის სამართლის კოდექსის 108-ე მუხლით და 236-ე მუხლის მე-2 და მე-3 ნაწილებით მიმდინარეობს.

  • 108-ე მუხლი (განზრახ მკვლელობა) ითვალისწინებს თავისუფლების აღკვეთას ვადით 7-დან 15 წლამდე,.
  • 236-ე მუხლის მე-2 ნაწილი გულისხმობს ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო ტარებას და ისჯება ჯარიმით ან თავისუფლების აღკვეთით ვადით სამიდან ხუთ წლამდე,
  • იმავე მუხლის მე-3 ნაწილი ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო დამზადებას, გადაზიდვას, გადაგზავნას ან გასაღებას გულისხმობს და ისჯება თავისუფლების აღკვეთით ვადით ხუთიდან რვა წლამდე.