დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარის საზოგადოებრივი ჯანდაცვის ცენტრის ხელმძღვანელის, რუსუდან შავიშვილის განცხადებით, კოვიდინფიცირებულმა პაციენტმა საკეისრო კვეთით იმშობიარა. მისი თქმით, დედისა და ბავშვის ჯანმრთელობის მდგომარეობა დამაკმაყოფილებელია და თავს კარგად გრძნობენ.

შავიშვილის თქმით, ბათუმში დაფიქსირებული 21 ახალი შემთხვევიდან 3 ე.წ. ხოფის კლასტერია, 2-ის წყარო უცნობია, 1 იუსტიციის სახლის თანამშრომელია, დანარჩენი კი უკვე დადასტურებული შემთხვევების კონტაქტებია. მისივე თქმით, შემთხვევების უმეტესობა ასიმპტომურია და მძიმე პაციენტები არ ჰყავთ.

ინფექციური საავადმყოფოს სამედიცინო დირექტორის, მარინა ეზუგბაიას თქმით, აჭარის რეგიონში მდგომარეობა სერიოზულია და იგი უკვე წითელ ზონადაა გამოცხადებული. მისივე განცხადებით, იქ, ალბათ, დამატებითი ღონისიებების გატარება იქნება საჭირო.

8 სექტემბრის მონაცემებით, საქართველოში კორონავირუსის 45 ახალი შემთხვევა გამოვლინდა, 6 ადამიანი გამოჯანმრთელდა. მათგან, 23 შემთხვევა აჭარაში გამოვლინდა, 5 კი თბილისში ფართომასშტაბიან ქორწილს უკავშირდება.

ჯამში, საქართველოში კორონავირუსის დადასტურებულ შემთხვევათა რაოდენობა 1 729-მდე გაიზარდა, ამათგან 1 321 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 5 882, სტაციონარში მეთვალყურეობის ქვეშ კი — 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: