ევროპული საქართველოს საარჩევნო შტაბის ხელმძღვანელი, სერგი კაპანაძე, პარტიის ბუკლეტზე განმარტებას აკეთებს, სადაც ნაციონალურ მოძრაობასა და ევროპულ საქართველოს შორის განსხვავებებზეა საუბარი.

სერგი კაპანაძის თქმით, ევროპულ საქართველოს სხვადასხვა ბეჭვდითი მასალა აქვს, სადაც საუბარია პარტიის გეგმებზე, პროგრამაზე და იმ რეფორმებზე, რომლის განხორციელებასაც აპირებს პარტია. კაპანაძემ აღნიშნა, რომ ამ კონკრეტულ ბუკლეტში საუბარია იმ განსხვავებებზე, რომლებიც ევროპულ საქართველოს აქვს ქართულ ოცნებასა და ნაციონალურ მოძრაობასთან.

სერგი კაპანაძის თქმით, ამომრჩეველს აინტერესებს, თუ რა განსხვავებაა ამ ორ პარტიას შორის, შესაბამისად, მათთვის მნიშვნელოვანია ხაზი გაესვას გასხვავებებს ნაციონალურ მოძრაობასა და ევროპულ საქართველოს შორის. კაპანაძემ აღნიშნა, რომ მათ შორის დეკლარილებული განსხვავებებია საპენსიო დაგროვებითი ანაბრების თემაზე, სახელმწიფო ქონების ხალხისთის გადაცემის თემაზე, ერთპიროვნულ მმართველობასა და ლიდერის როლზე.

"ძალიან საინტერესოა, რომ ჩვენმა ბუკლეტმა ასეთი დაინტერესება გამოიწვია საზოგადოებაში. ჩვენ ბევრი ბეჭვდითი მასალა გვაქ, სადაც საუბარია ჩვენ გეგმებზე, ვალდებულებებზე, რომლებსაც ჩვენ ვიღებთ. ესენია: გადასახადების შემცირება, სასამართლო რეფორმა, სახელმწიფო საკუთრებაში არსებული მიწის ხალხისთვის გადაცემა და კიდევ ბევრი. ჩვენ ამ კონკრეტულ ბუკლეტში საუბარი გვაქვს, თუ რატომ არ უნდა დაუჭიროს ხალხმა ქართულ ოცნებას მხარი, რადგან ყველაზე მნიშვნელოვანია, რომ არჩევნების შემდეგ ქვეყანამ შეიცვალოს გეზი. ევროპული საქართველო კი უნდა იყოს კომპასი ამ მიმართულების განსასაზღვრად", — აღნიშნა კაპანაძემ.

მისი თქმით, ამ ბუკლეტეში ასევე საუბარია იმ განსხვავებებზე, რომლებიც მათ ნაციონალურ მოძრაობასთან აქვთ. "მნიშვნელოვნად მიგვაჩნია, რომ ხაზი გაესვას ამ განსხვავებებს, გამომდინარე იქიდან, რომ ამომრჩეველს აინტერესებს რა განსხვავებებია ამ ორ პარტიას შორის. ბუკლეტში საუბარია იმაზე, რომ, მაგალითად, ჩვენ განსხვავებული პოზიცია გვაქვს საპენსიო დაგროვებით ანაბრებზე, ქონების ხალხისთვის კერძო საკუთრებაში გადაცემასთან დაკავშირებით, განსხვავებული პოზიცია გვაქვს ერთპიროვნულ მმართველობასა და ლიდერის როლთან დაკავშირებით და სხვა რამდენიმე საკითხი, რომელშიც ჩვენ შორის დეკლარილებული განსხვავებებია, რომელსაც არავინ არ მალავს

გამომდინარე აქედან, ჩვენ მომავალშიც გავაგრძელებთ, ერთიმხრივ, ჩვენი პროგრამისა და ვალდებულებების ხალხისთვის გაცნობას, ასევე იმ განხვავებების გაცნობას, რომლებიც ჩვენ გაგვაჩნია სხვა პოლიტიკურ ძალებთან. პროპორციული სისტემის მთელი პლიუსი ის არის, რომ სხვადასხვა პოლიტიკურმა ძალებმა განასხვავონ თავიანთი თავი სხვა პოლიტიკური ძალებისაგან და რაც შეიძლება მეტი ადამიანი მივიდეს არჩევნებზე და მხარი დაუჭიროს იმ პოლიტიკურ ძალას, რომელიც მათ ყველაზე მეტად მოსწონთ. ამის გაკეთება განსხვავებების აქცენტირების გარეშე ძალიან ძნელია", — განაცხადა სერგი კაპანაძემ.