დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, გურიაში კორონავირუსის შემთხვევების მატება ფართომასშტაბიან ქორწილთანაა დაკავშირებული. მისი განცხადებით, პანდემიის პირობებში, მსგავსი დიდი შეკრებებისგან თავი უნდა შევიკავოთ.

"ეს მოწოდება რამდენჯერმე გავაკეთეთ, ვცხოვრობთ პანდემიის პირობებში, კანონით აკრძალულია 100 ადამიანზე მეტის შეკრება. არავითარ შემთხვევაში არ შეიძლება, თავი უნდა შევიკავოთ. ეს არის განსაკუთრებულად მომატებული რისკი, როდესაც ბევრი ადამიანი ყოველგვარი დაცვის გარეშე იკრიბება. კარგია, რაც მეტი ბავშვი გაჩნდება და მეტი დაქორწინდება, მაგრამ დროებით, როცა ამ პირობებში ვცხოვრობთ, თავი შევიკავოთ ამ დიდი შეკრებებისგან. ეს გახლავთ ერთ-ერთი უმთავრესი მიზეზი, ინფექციის შემდგომი გავრცელებისა", — ამბობს გამყრელიძე.

6 სექტემბრის მონაცემებით, საქართველოში კორონავირუსის 29 ახალი შემთხვევა გამოვლინდა, 8 ადამიანი გამოჯანმრთელდა. მონაცემები StopCov-ზე განახლდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 650-მდე გაიზარდა, ამათგან 1 310 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 6 020, სტაციონარში მეთვალყურეობის ქვეშ კი — 299.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: