საქართველოს პროკურატურის ინფორმაციით, სახალხო დამცველს თამარ ბაჩალიაშვილის გარდაცვალებასთან დაკავშირებით, მიმდინარე გამოძიების მასალებს გადასცემენ, თუ ომბუდსმენი მათ მოთხოვნით მიმართავს.

"საქართველოს პროკურატურა მზადყოფნას გამოთქვამს, სახალხო დამცველის მხრიდან მომართვის შემთხვევაში, სახალხო დამცველს თამარ ბაჩალიაშვილის გარდაცვალების საქმეზე მიმდინარე გამოძიების მასალები გამოძიების ნებისმიერ ეტაპზე გააცნოს.
აღნიშნულთან დაკავშირებით პროკურატურის წარმომადგენლებს სახალხო დამცველის აპარატთან შესაბამისი კომუნიკაცია ექნებათ და ომბუდსმენის აპარატის წარმომადგენლებს საშუალება მიეცემათ გაეცნონ სისხლის სამართლის საქმის მასალებს", — ნათქვამია განცხადებაში.

სახალხო დამცველი, ნინო ლომჯარია, თამარ ბაჩლიაშვილის ოჯახის წევრებს შეხვდება. ის აღნიშნავს, რომ ამ შეხვედრის შემდეგ გამოიკვეთება, თუ კონკრეტულად რა მიმართულებით სჭირდება ოჯახს სახალხო დამცველის მხარდაჭერა.