ლისის ტბაზე ბავშვის გარდაცვალების საქმეზე პოლიციელი დააკავეს. ინფორმაცია ამის შესახებ მთავარ პროკურატურაში On.ge-ს დაუდასტურეს.

გუშინ, 30 აგვისტოს ლისის ტბასთან ქვეითად მოსიარულე, 12 წლის მოზარდს საპატრულო პოლიციის მანქანა დაეჯახა. პროკურატურის ინფორმაციით, ბავშვი ჟვანიას პედიატრიულ კლინიკაში გადაყვანის შემდეგ გარდაიცვალა.

პროკურატურამ ავტოსაგზაო შემთხვევის ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.