პარლამენტის მიმდებარე ტერიტორიაზე თითქმის 7-თვიანი რეაბილიტაცია დასრულდა.

თბილისის მერის კახა კალაძის განცხადებით, დაახლოებით, 2 000 მ² ფართობზე, მოხდა ძველი, ამორტიზებული ფილების დემონტაჟი, შეიცვალა წყალგაყვანილობა, მოწესრიგდა სანიაღვრე სისტემა, მოეწყო რკინა-ბეტონის არმირებული ფილა და ჰიდროიზოლაციის ფენა და ჩატარდა სხვა საჭირო სამუშაოები. მისივე თქმით, ტერიტორიაზე შენარჩუნდა ის ფილები, რომელზეც 1989 წლის 9 აპრილს, მშვიდობიანი მომიტინგეების სისხლი დაიღვარა, ასევე, რესტავრაცია ჩაუტარდა 9 აპრილის მემორიალს.

კალაძის განცახდებით, განახლდა ტერიტორიაზე არსებული შადრევანიც, რომელიც რამდენიმე თვის განმავლობაში იყო დაზიანებული და გამოიცვალა აუზის განათება.

ნახეთ როგორ გამოიყურება პარლამენტის მიმდებარე ტერიტორია:

ფოტო: ანზორ ამზოევი / On.ge

ფოტო: ანზორ ამზოევი / On.ge

ფოტო: ანზორ ამზოევი / On.ge

ფოტო: ანზორ ამზოევი / On.ge

ფოტო: ანზორ ამზოევი / On.ge

ფოტო: ანზორ ამზოევი / On.ge

ფოტო: ანზორ ამზოევი / On.ge

ფოტო: ანზორ ამზოევი / On.ge

პარლამენტის წინა სივრცე საპროტესტო აქციებისა და მიტინგების მთავარი კერააა. 2019 წელს, თითქმის ნახევარი წლის განმავლობაში იქ აქტიურად იმართებოდა ანტისახელისუფლებო და ანტიოკუპაციური აქციები. წლის ბოლოს, 31 დეკემბერს, მერიამ შვილმოკლული მამის, მალხაზ მაჩალიკაშვილის საპროტესტო კარავი დაშალა და საახალწლო ატრაქციონები დადგა, შემდეგ კი გაშლის უფლება აღარ მისცა. 22 იანვარს მერიამ ტერიტორია შემოღობა და რეაბილიტაცია დაიწყო.

სარეაბილიტაციო სამუშაოების ირგვლივ დადგმულ მწვანე ღობეზე აქტივისტების მიერ გაკეთებული საპროტესტო წარწერები იყო. "სირცხვილია", "ბიძინას ბოსტანი", "გადადექი" და სხვა ფრაზები მას შემდეგ დააწერეს მასზე, რაც მერიამ მალხაზ მაჩალიკაშვილის კარავი აიღო.