დემოკრატიულმა პარტიამ ამერიკის შეერთებული შტატების საპრეზიდენტო კანდიდატად ყოფილი ვიცე-პრეზიდენტი, ჯო ბაიდენი ოფიციალურად დაასახელა. ABC News-ს ცნობით, ეს გადაწყვეტილება პარტიის ეროვნულ ყრილობის დელეგატებმა მილუოკში, უინსკონსინის შტატში მიიღეს.

ბაიდენმა დელეგატთა 2 374 ხმა მიიღო. ხმების მინიმალური ოდენობა 1 991 იყო. კორონავირუსის პანდემიის გამო, ყრილობა ონლაინ რეჟიმში გაიმართა.

ბაიდენის მოწინააღმდეგე საპრეზიდენტო არჩევნებში რესპუბლიკური პარტიიდან ამერიკის მოქმედი პრეზიდენტი, დონალდ ტრამპი იქნება.

საპრეზიდენტო არჩევნები აშშ-ში 3 ნოემბერსაა დანიშნული.