საქართველოში ამერიკის შეერთებული შტატების ელჩი, კელი დეგნანი აცხადებს, რომ საპარლამენტო არჩევნები სამართლიანად და თავისუფლად უნდა ჩატარდეს. ის ამ არჩევნების მნიშვნელობაზე საუბრობს.

"ოქტომბრის არჩევნები მნიშვნელოვანია, რადგან ეს არის შესაძლებლობა, აირჩეს უფრო წარმომადგენლობითი პარლამენტი. ასევე, მნიშვნელოვანია მაჟორიტარებთან ერთად, ყურადღება მიექცეს პროპორციულ სიაში მყოფ კანდიდატებსაც. საკმაოდ დიდია ინტერესი ამერიკის და ევროპის მხრიდანაც და ოქტომბრის არჩევნები სამართლიანად და თავისუფლად უნდა ჩატარდეს", — უთხრა დეგნანმა ჟურნალისტებს.

საპარლამენტო არჩევნები საქართველოში 2020 წლის ოქტომბერშია დაგეგმილი. მოსახლეობა დეპუტატებს ახალი სისტემით (120/30) აირჩევს, რაც იმას ნიშნავს, რომ მომდევნო პარლამენტში 120 დეპუტატი საპარლამენტო სიით შევა, ხოლო 30 მაჟორიტარი იქნება.