თბილისის მერმა, კახა კალაძემ ჭავჭავაძის გამზირის მოპირკეთების ხარისხის აღსანიშნად არგუმენტად ის გამოიყენა, რომ კომპლიმენტებს იღებს "ქალბატონებისგან, რომლებიც ქუსლიანი ფეხსაცმელებით გადაადგილდებიან". ამის შესახებ მან მთავრობის სხდომაზე ისაუბრა.

"ჭავჭავაძის გამზირის რეაბილიტაციის ფარგლებში მთლიანად მორგებულია პროექტი საზოგადოებრივ ტრანსპორტზე და ქვეითად მოსიარულეებზე. მთლიანად გამზირი მოპირკეთებული არის ბუნებრივი ქვით, სადაც ძალიან სასიამოვნოა გადაადგილება და ძალიან ხშირად ვიღებთ კომპლიმენტებს, განსაკუთრებით ქალბატონებისგან, ვინც ქუსლიანი ფეხსაცმელებით გადაადგილდება, რაც ნამდვილად სასიამოვნოა", — განაცხადა კალაძემ.