შინაგან საქმეთა სამინისტროს ინფორმაციით, მიმდინარე წლის 12 მარტს ჭიათურაში გამართული "ქურდული შეკრებისა" და "ქურდული სამყაროს" საქმიანობის მხარდაჭერის ფაქტთან დაკავშირებით კიდევ ერთი პირი საკუთარ საცხოვრებელ სახლში დააკავა.

როგორც უწყებაში ამბობენ, ის მონაწილეობდა "ქურდული სმყაროს" წევრების ორგანიზებით მოწყობილ "ქურდულ შეკრებაში", რომლის გადაწყვეტილების თანახმად, ერთ-ერთი კომპანიის წარმომადგენელს საწარმოს მოგების 30%-ის გადახდა დაეკისრა.

პოლიციამ ხსენებული "ქურდული გარჩევის" ორგანიზატორები, წარსულში ნასამართლევი პირები, მიმდინარე წლის აპრილში "ქურდულ შეკრებაში" მონაწილეობისა და "ქურდული სამყაროს" წევრობის ბრალდებით დააკავა.

გამოძიება საქართველოს სისხლის სამარათლის კოდექსის 223-ე მე-3 პრიმა მუხლის მე-2
ნაწილით მიმდინარეობს, რაც გულისხმობს "ქურდული სამყაროს" საქმიანობის მხარდაჭერას იმ პირის მიერ, რომლისთვისაც ცნობილია "ქურდული სამყაროს" საქმიანობის შესახებ და ხელს უწყობს აღნიშნული საქმიანობის განხორციელებას.