თბილისის მერმა დავით ნარმანიამ, 6 დეკემბრის მთავრობის სხდომაზე საახალწლოდ დაგეგმილი ღონისძიებების შესახებ ისაუბრა და განაცხადა, რომ ამ მხრივ მერიას სიახლეები აქვს, მათ შორის ახალი განათებებით კიდევ რამდენიმე ქუჩა მოირთვება და მისივე თქმით, 31 დეკემბრის ღამეს ქუჩები არ გადაიკეტება:

"დამატებით ახალი საახალწლო ილუმინაციებით მოირთვება აეროპორტის გზა, აღმაშენებლის გამზირი, ასევე პეკინის ქუჩაზე მოძველებული განათებები ჩანაცვლდება. მნიშვნელოვანია ისიც, რომ წელს, ჩვენ განსხვავებულად დავგეგმეთ საახალწლო ღონისძიებები და მათ ფარგლებში არ გადაიკეტება ქალაქის ქუჩები. ძირითადი საახალწლო ღონისძიებები გაიმართება დედაენის ბაღში".