ფრაქცია ქართული ოცნების თავმჯდომარე, მამუკა მდინარაძე ამბობს, რომ პარტიაში წინასაარჩევნოდ, მაჟორიტარობის კანდიდატებზე იმსჯელეს. მანვე დაამატა, რომ ოპოზიციის მსგავსად, ისინიც მაჟორიტარებს დაასახელებენ ჯერ და შემდეგ უკვე სიასაც წარადგენენ.

"კონსულტაცია გვქონდა მაჟორიტარებთან დაკავშირებით. მაჟორიტარობის კანდიდატების წარდგენას უფრო მალე ვაპირებთ ვიდრე სიის ფორმირებას. ოპოზიცია მგონი ადეკვატური მარტო ამაშია, რომ უფრო მაჟორიტარებზე საუბრობენ ისინი ჯერ და ჩვენც ასე მოვიქცევით, ვიდრე სიაზე ვილაპარაკებთ. ეს უახლოეს მომავალში შეიძლება, იყოს, ივლისის ბოლომდე", — ამბობს მდინარაძე და განმარტავს, რომ სიაში იქნებიან ახალი სახეები და ძველი გამოცდილი კადრებიც.