საერთაშორისო გამჭვირვალობა — საქართველოს კვლევით, იმ გამოკითხულთა უმრავლესობა (64%), რომლებიც ინფორმირებულები იყვნენ საარჩევნო რეფორმის ჩაგდებაზე, ფიქრობს, რომ ამის მიზეზი ივანიშვილის პირადი გადაწყვეტილება ან მმართველი პარტიის პოლიტიკური გადაწყვეტილება გახდა.

საზოგადოებრივი აზრის კვლევის შედეგები, საერთაშორისო გამჭვირვალობა —საქართველოს დაკვეთით კავკასიის კვლევითი რესურსების ცენტრმა (CRRC) 2020 წლის 27 თებერვლიდან 18 მარტამდე პერიოდში ჩაატარა და მთელი ქვეყნის მასშტაბით 1,763 ადამიანი გამოკითხა. კვლევის საშუალო ცდომილება 2,2 პროცენტული პუნქტია.