ნაციონალური მოძრაობის წევრმა გიგა ბოკერიამ პარტიის პოლიტსაბჭოს დასრულების შემდეგ, ჟურნალისტებთან საუბრისას განაცხადა, რომ იმ პირობებში როცა მიხეილ სააკაშვილი ქვეყანიდან წასულია, ენმ-ს თავმჯდომარე სჭირდება და დავით ბაქრაძე ამისათვის საუკეთესო კანდიდატურაა:

"მე ვფიქრობ, რომ დავით ბაქრაძის არჩევა თავმჯდომარედ წაადგება ჩვენს პარტიასაც და ჩვენს ქვეყანასაც. მიხეილ სააკაშვილი არ არის საქართველოში და ჩვენი პარტიის თავმჯდომარე, იმ პირობების გამო, რომელიც შექმნა ბიძინა ივანიშვილმა, რადგან ის არის დევნილი და აღარ არის საქართველოს მოქალაქე. პარტია აგრძელებს ცხოვრებას და იმ ვითარებაში, როცა ის უკრაინაშია ჩართული, ამ პარტიას სჭირდება თავმჯდომარე და დავით ბაქრაძე იქნება საუკეთესო კანდიდატურა ამისთვის".

დღეს, 30 ნოემბერს, ნაციონალურ მოძრაობაში პოლიტსაბჭოს სხდომის შედაგად გადაწყდა, რომ გაიმართება ფართომასშტაბიანი ყრილობა, რომელზეც თავმჯდომარეს არ აირჩევენ და პოსტი ისევ ვაკანტური რჩება. ყრილობაზე ხმები 24/25-ზე გადანაწილდა და ერთმა თავი შეიკავა. არჩეული წესი გულისხმობს ყრილობის ბევრად უფრო წარმომადგენლობით მოდელს, 7000-მდე დელეგატის მონაწილეობით, რომელსაც ყოფილი პრეზიდენტი მიხეილ სააკაშვილი ემხრობოდა.