ქართველი მოსწავლეები მათემატიკის რეიტინგში 37-ე, ხოლო მეცნიერების რეიტინგში 39-ე ადგილს იკავებენ. ამ პოზიციებით საქართველო მხოლოდ ახლო აღმოსავლეთის, აფრიკისა და სამხრეთ ამერიკის რამდენიმე ქვეყანას უსწრებს.

მათემატიკისა და მეცნიერების საერთაშორისო რეიტინგებში, აღმოსავლეთ აზიის ქვეყნები -სინგაპური, ჰონგ-კონგი, კორეა, ტაივანი და იაპონია უკვე 20 წელია დომინირებენ. ინფორმაციას ამის შესახებ Telegraph ავრცელებს.

აღნიშნული რეიტინგები, დღეს საგანმანათლებლო მიღწევების შეფასების საერთაშორისო ასოციაციამ გამოაქვეყნა. კვლევა 4 წელიწადში ერთხელ ტარდება. მასში მონაწილეობას 9-10 წლის და 13-14 წლის მოსწავლეები იღებენ. საერთო ჯამში კი, კვლევაში 600 ათასზე მეტი მოსწავლე მონაწილეობს.