საპარლამენტო უმრავლესობის ლიდერი, მამუკა მდინარაძე ამბობს, რომ ქართული ოცნების გუნდი ისეთი შეკრულია, რომ პრინციპულ საკითხებზეც არ კამათობენ. მისი თქმით, ძალიან კარგია, როცა ასეთი ერთსულოვნება არის მიდგომებთან და თუნდაც, სიის შედგენასთან დაკავშირებული პრინციპების ირგვლივ.

მისივე განმარტებით, მაჟორიტარებზე ჯერ ვერ ჩამოყალიბდებიან, რადგან საჩქარო არაა და ზაფხულის მიწურულს ალბათ, უკვე კონკრეტულ სახელებს და გვარებს დაასახელებენ.

"დარწმუნებული ვარ, პრემიერმინისტრს შემთხვევით არ უთქვამს კვოტების შესახებ, რომ ასეთი საკითხები ჩვენთან არ არის. კვოტები არის ოპოზიციაში, რომელშიც ე.წ. ერთობა დაიშალა და ჩხუბობენ ვინ დაჯდება პარლამენტში, ვინ იქნება პრემიერმინისტრი და კვოტებს ვერ იყოფენ. მე მგონი, 30 მაჟორიტარი 73-ის ნაცვლად იმიტომ არ აწყობთ, რომ ვერ იყოფენ ადგილებს. ჩვენ ასე არ ვუდგებით. მთელი პასუხისმგებლობით შემიძლია გითხრათ, ჩემს ამ განცხადებას რა ინსინუაციებიც არ უნდა მოჰყვეს, რომ დღეს, ქართული ოცნების გუნდში, შიგნით არის ისეთი ერთობა, რომელიც ძალიან იშვიათად ყოფილა ხოლმე", — განაცხადა მდინარაძემ.