საფრანგეთის მომავალი წლის საპრეზიდენტო არჩევნებში კონსერვატორი კანდიდატი ფრანსუა ფილონი იქნება. ექს-პრეზიდენტ ნიკოლა სარკოზის შემდეგ, ფილონმა ალენ ჟუპეც დაამარცხა და არჩევნებში საპრეზიდენტო კანდიდატის ნომინაცია მოიპოვა. ინფორმაციას BBC ავრცელებს.

ფილონი მოსახლეობას უფრო სამართლიანი საზოგადოების ჩამოყალიბებას დაჰპირდა. მისი თქმით, საფრანგეთს სურს "სიმართლე და სურს მოქმედება".

ფილონის კონკურენტები, სავარაუდოდ, სოციალისტი კანდიდატი და ულტრა-მემარჯვენე მარი ლე პენი იქნებიან.

ფრანსუა ფილონმა ხმების დაახლოებით 67 პროცენტი მიიღო.