დაავადებათა კონტროლის ცენტრის დირექტორი ამირან გამყრელიძე განმარტავს, რომ ტურიზმის ამუშავებისას გათვალისწინებული იქნება სხვადასხვა პირობები. მათ შორის ის, რომ ქვეყანას სტუმრები ე.წ. წვანე ზონებიდან ეყოლება, სადაც ინფიცირების მაჩვენებელი დაბალია. მისივე თქმით, სავარაუდოდ, შემოიღებენ კოვიდპასპორტებს და მიდევნების აპლიკაციებს.

"კოვიდპასპორტში წერია, რომ ბოლო 72 საათში უნდა იყო გამოკვლეული და უნდა გქონდეს უარყოფითი რეაქცია PCR-ით. შემდეგ კიდე ე.წ. მიდევნების აპლიკაციები არსებობს და ბევრი მექანიზმებია ამისი", — განაცხადა მან.

გარდა ამისა, მათ ქვეყანაში ყოფნისას სპეციალური პირობები ექნებათ.

"ჩვენ მაქსიმალურად ისეთ პირობებს დავაწესებთ, რომ არ იყოს ძალიან მკაცრი და ადამიანს არ მოუნდეს შენთან ჩამოსვლა, მაგრამ უნდა იყოს ადვილად შესრულებადი", — განაცხადა მან.

მთავრობის ანტიკრიზისული გეგმით, შიდა ტურიზმი 15 ივნისს ამუშავდება, საერთაშორისო სტუმრებს კი ქვეყანა პირველი ივლისიდან მიიღებს.