ზუგდიდისა და ცაიშის ეპარქიის მიტროპოლიტის, მეუფე გერასიმეს განცხადებით, შეიქმნება სპეციალური კომისია, რომელიც იმსჯელებს ჩაერთვებიან თუ არა სასულიერო პირები Covid-19-ის საწინააღმდეგო საყოველთაო ვაქცინაციაში. მისი ვარაუდით, კომისია სინოდის სხდომაზე წარადგენს ანალიზს, რის შემდეგაც სინოდი დასკვნას მიიღებს.

მეუფე გერასიმე არამხოლოდ ვაქცინაციას, არამედ სასულიერო პირების მასობრივ ტესტირებასაც ეწინააღმდეგებოდა.

ეს პირველი შემთხვევა არ არის, როდესაც სასულიერო პირები ვაქცინაციის წინააღმდეგ გამოდიან. მათ ნაწილს დაუსაბუთებლად მიაჩნია, რომ ვაქცინაცია საფრთხისშემცველია, ნაწილი კი ამტკიცებს, რომ ეს საყოველთაო "დაჩიპვას" ემსახურება. ისინი მრევლსაც მოუწოდბენ, რომ თავი აარიდონ ვაქცინაციას, რომელიც ინფიცირების არიდების გზაა.

ამ ეტაპზე Covid-19-ის ვაქცინა არ არსებობს და მის შესაქმნელად მსოფლიოში ასეულობით მეცნიერი მუშაობს. სამედიცინო სფეროს წარმომადგენლები აცხადებენ, რომ ვაქცინაცია მნიშვნელოვანი ნაბიჯი იქნება ეპიდემიის შესაჩერებლად.