თბილისის ინფექციური საავადმყოფოს დირექტორის, თენგიზ ცერცვაძის თქმით, დღეს გარდაცლილი პაციენტს, პრაქტიკულა, კორონავირუსი აღარ ჰქონდა, თუმცა ფილტვების იმდენად მძიმე დაზიანებები ჰქონდა, რომ მისი გადარჩენა ვერ მოხერხდ

"დღეს გარდაცვლილ პაციენტს ჩვენ ვიცნობდით, ბათუმში ყოფნის დროს გავეცანით. ეს იყო ძალიან მძიმე პაციენტი. მას ძალიან ბევრი თანმხლები დაავადება ჰქონდა და განსაკუთრებით კომპრომეტირებული ჰქონდა ფილტვების სასუნთქი სისტემა. ეს პაციენტი, პრაქტიკულად, აღარ იყო კოვიდინფიცირებული. ის კოვიდისგან განიკურნა და ვირუსზე ტესტი უარყოფითი ჰქონდა, მაგრამ ფილტვების იმდენად მძიმე დაზიანებები ჰქონდა, რომ მისი გადარჩენა ვერ მოხერხდა, განსაკუთრებით, ასაკის გათვალისწინებით. ის მართვით სუნთქვაზე იმყოფებოდა და სამწუხაროდ, მისი გადარჩენა ვერ მოხერხდა", — განაცხადა ცერცვაძემ საზოგადოებრივი მაუწყებლის ეთერში.

დღეს, 11 მაისს, საქართველოში კორონავირუსისგან მეთერთმეტე ადამიანი გარდაიცვალა.

ბოლო მონაცემებით, ქვეყანაში კორონავირუსით ინფიცირების 638 დადასტურებული შემთხვევაა, მათ შორის გამოჯანმრთელებული — 317 ადამიანი, გარდაცვლილი — 11.